Құпиялық саясаты
Соңғы жаңартылған күні: 2026 жылғы 15 қараша
Бұл бет Danaly сайты (danaly.app) қандай деректер жинайтынын, оларды не үшін қолданатынын және қалай қорғайтынын түсіндіреді.
Қандай деректер жиналады
- Электрондық пошта және құпиясөз — пошта арқылы тіркелсеңіз. Құпиясөз шифрланған түрде сақталады, біз оны көре алмаймыз.
- Google аккаунтынан — Google арқылы кірсеңіз: электрондық пошта, атыңыз және профиль суретінің сілтемесі. Google құпиясөзіңізді біз алмаймыз.
- Көрсетілетін ат — баптауларда өзіңіз енгізсеңіз.
- Тест нәтижелері — пән, нұсқа, балл және тақырыптар бойынша статистика.
- Браузердегі деректер — аяқталмаған тест пен таңдаған пәндеріңіз құрылғыңыздың браузерінде (localStorage) сақталады. Олар серверге жіберілмейді.
Деректер не үшін қолданылады
- Аккаунтқа кіру және оны қорғау.
- Нәтижелеріңізді сақтау және қай тақырыпты қайталау керегін көрсету.
- Тіркелуді растау және құпиясөзді жаңарту хаттарын жіберу.
Біз деректеріңізді сатпаймыз, жарнама үшін қолданбаймыз және үшінші тұлғаларға бермейміз (төмендегі қызметтерден басқа).
Деректер қайда сақталады
- Supabase — аккаунттар мен нәтижелер дерекқоры (сервер Еуропада, Стокгольмде).
- Netlify — сайттың хостингі.
- Google — Google арқылы кіру және хаттарды жіберу (Gmail).
Әр нәтиже тек өз аккаунтыңызға тиесілі: басқа пайдаланушылар оны көре алмайды.
Аккаунтты жою
Аккаунтты баптаулардан («Аккаунтты жою») өзіңіз жоя аласыз. Аккаунт 30 күнге тоқтатылады — осы уақытта қалпына келтіруге болады. 30 күннен кейін аккаунт пен барлық нәтижелер біржола өшіріледі.
Балалар
Сайт мектеп оқушыларына арналған. Біз тек жоғарыда аталған деректерді жинаймыз және оларды тек оқу мақсатында қолданамыз.
Байланыс
Сұрақтарыңыз болса немесе деректеріңізді өзгерту не жою қажет болса, жазыңыз: info@danaly.app